Adəm Abbaslı/AZADİNFORM. Qan xərçənginin müalicəsi istiqamətində ABŞ alimlərinin apardığı tədqiqat və araşdırmalar müsbət bəhrəsini verib. “Azadinform” Türkiyə mətbuatına istinadən bildirir ki, ABŞ-lı həkimlər xəstələrin qan hüceyrələrində xərçəng hüceyrələrini tapan və onu məhv edən yeni metodlar əldə ediblər. Onlar hələ ki, bu metodları 3 xəstə üzərində tətbiq ediblər, ancaq nəticələr çox heyrətləndirci olub.

AZADİNFORM. İran hökuməti İngiltərədə baş verən üsyan və silahlı qarşıdurmalarla əlaqədar vətəndaşlarına ciddi bir ehtiyac yaranmadığı müddətcə İngiltərəyə getməmək göstərişi verib. “Azadinform” CNN-ə istinadən xəbər verir ki, hökumətin yaydığı bəyanatda İngiltərənin İran vətəndaşları üçün təhlükəli yer olduğu bildirilib.

AZADİNFORM. Fransanın bank səhmlərinin dəyərinin salınacağı xəbəri dünən Avropa birjalarında nisbətən mülayimləşən havanı korlayıb. “Azadinform” BBC-yə istinadən xəbər verir ki, xəbər hökumətə məxsus hissə sənədlərinin ciddi dəyər itirməsinə səbəb olub. Ən böyük itki bankların hissə sənədlərində yaşanıb. Ölkənin nəhəng banklarından “Societe General”-ın səhmləri 20%-ə qədər dəyər itirib. Xəbəri alan prezident Sarkozi istirahətini yarıda kəsərək paytaxta qayıdıb. Prezidentin iqtisadi sabitliyə tək yol olan büdcə kəsintilərini müzakirəyə çıxaracağı gözlənilir.

AZADİNFORM. Əfqanıstandakı NATO rəsmiləri cümə günü ABŞ-a məxsus hərbi vertolyotu salaraq, 38 nəfərin ölümünə səbəb olan “Taliban” yaraqlılarının öldürüldüyünü açıqlayıb.

AZADİNFORM. Əsəd-Davudoğlu görüşünün nəticələri ictimaiyyətə açıqlanmasa da, Türkiyənin Suriyaya iki həftə vaxt verdiyi bildirilir. “Azadinform” “The Times”a istinadən xəbər verir ki, Davudoğlu qırğınlar durdurulmadığı təqdirdə ölkə maraqlarını qorumaq naminə hərbi müdaxiləyə əl atılacağını deyib.

AZADİNFORM. Pakistan rəsmiləri ölkənin şimal-qərbində ABŞ-a aid pilotsuz idarə olunan təyyarələrlə həyata keçirilən bombardmanda 21 nəfərin öldüyünü bildirib. “Azadinform” BBC-yə istinadən xəbər verir ki, rəsmilər ölənlər arasında “Taliban” yaraqlıları ilə yanaşı, xarici ölkə vətəndaşlarının olduğunu da açıqlayıb.

AZADİNFORM. Liviya hökuməti paytaxt Tripoliyə NATO-nun hava hücumu nəticəsində 85 nəfərin öldüyünü açıqlayıb. “Azadinform” BBC-yə istinadən xəbər verir ki, ölkədə üç günlük matəm elan edilib.

AZADİNFORM. Çinin xarici işlər naziri Yanq Jyeçi ötən ay müstəqilliyini elan edən Cənubi Sudana ilk rəsmi səfər edəcək. “Azadinform” BBC-yə istinadən xəbər verir ki, nazirin rəsmi Cubanı Sudanla daha yaxşı əlaqələr qurmağa çağıracağı deyilir. Yanq ötən həftə Sudan prezidenti Ömər Bəşir ilə etdiyi telefon danışığında da eyni tövsiyələri verib.

AZADİNFORM. Suriya prezidenti Bəşər Əsədlə Türkiyə xarici işlər naziri Əhməd Davudoğlunun görüşü zamanı ölkənin müxtəlif ərazilərində ordu hərəkətə keçib. Xüsusilə də Türkiyə sərhədindəki ərazilərdə baş verən silahlı toqquşmalar zamanı rəsmi məlumatlara görə, 40 nəfər ölüb. “Azadinform” “The Guardian”a istinadən xəbər verir ki, bununla da prezident Türkiyənin atəşi dayandırmaq çağırışına önəm vermədiyini göstərib. İkitərəfli görüş zamanı prezident rejimin əleyhinə çıxan üsyançıları “terrorçu”, “yaraqlı” kimi təqdim edərək, onlara qarşı mübarizədən geri çəkilməyəcəyini bildirib.

AZADİNFORM. Hind okeanının Komor adalarında sahilə çox da yaxın olmayan və yüzdən çox sərnişin daşıyan gəmi batıb. “Azadinform” BBC-yə istinadən xəbər verir ki, paytaxt Moronidən Anjuan adasına istiqamət götürən gəmi yola çıxdıqdan qısa bir müddət sonra motorlar dayanıb.

AZADİNFORM. Zimbabve prezidenti Robert Muqabe Liviyada reallaşdırılan hava hücumlarını və bunun nəticəsində ölən insanları əsas tutaraq dolayı yolla NATO-nun bir terror təşkilatından fərqi olmadığını bildirib.

AZADİNFORM. Dünən baş tutan Əsəd-Davudoğlu görüşündən sonra Türkiyə xarici işlər naziri heç bir açıqlama vermədən Suriyanı tərk edib. Görüşə aid ilk açıqlama isə bu gün rəsmi Ankaradan gəlib. “Azadinform” BBC-yə istinadən xəbər verir ki, nazir mühüm addımlar atıldığını bildirib.

AZADİNFORM. Liviyalı üsyançıların lideri Mustafa Əbdülcəlil Nazirlər Kabineti funksiyası daşıyan İdarə Heyətinin bütün üzvlərini vəzifəsindən azad edib.

Atif Eyvazov/AZADİNFORM.  Qafqaz və Orta Asiya regionlarının sabitliyi Türkiyə üçün əhəmiyyətlidir. “Azadinform” xəbər verir ki, bu fikirləri Yaponiyanın ən böyük iqtisadiyyat qəzeti olan “Nihon Keizai Shimbuna” (Nikkei) müsahibəsində Türkiyə prezidenti Abdulla Gül söyləyib. “Türkiyənin yüksəlişi: regional liderliyə” başlığı altında verilən müsahibədə A.Gül əlavə edib ki, Türkdilli ölkələrlə Türkiyənin bağları möhkəmdir və bu bölgələrin sabitliyi Türkiyə üçün maraqlıdır.

AZADİNFORM. İkinci Dünya müharibəsinin ən çox orden və medalına sahib agentlərindən avstraliyalı Nensi Ueyk 98 yaşında Londonda ölüb. “Azadinform” BBC-yə istinadən xəbər verir ki, müttəfiq qoşunlarına bağlı çox sayda əsirin və insanın Fransanın işğal olunmuş ərazilərindən çıxarılmasında əsl rəşadət nümayiş etdirmiş Nensiyə alman əsgərləri çox nadir tapılan “Ağ Siçan” ləqəbi veriblər.

AZADİNFORM. Somalinin baş naziri Məhəmməd Abdullahi İslam Əməkdaşlıq Təşkilatına göndərdiyi yardım tələbli məktubda həm təşəkkür, həm də açıq-aşkar üsyan edir.

Adəm Abbaslı/AZADİNFORM. Cismən həyatla heç bir əlaqələri olmasa da, amma onlar üçün də beynəlxalq festival keçirilib. Söhbət cizgi filmlərinin qəhrəmanlarından gedir. “Azadinform” İngiltərə mətbuatına istinadən xəbər verir ki, Florida ştatında cizgi filmlərinin qəhrəmanlarına həsr olunan gül festivalı keçirilib.

AZADİNFORM. ABŞ Somalidə aclıq və susuzluqdan əziyyət çəkənlərə 105 milyon dollarlıq yardım göndərəcəyini bildirib. “Azadinform” BBC-yə istinadən xəbər verir ki, Ağ Ev sözçüsü Cey Qarney ölkənin mövcud maddi ehtiyatından ümumilikdə Afrika ölkələrinə 500 milyon dollar ayrılacağını deyib.

AZADİNFORM. Çin maliyyə böhranındakı Qərb ölkələri liderlərini siyasi məsuliyyətlərini yerinə yetirməməklə qlobal iqtisadi sabitlik yaratmaq müddətini təhlükəyə atmaqda günahlandırıb.

AZADİNFORM. Suriyada üsyanlar başladığı gündən bəri yüzlərlə insanın ölümünə şahidlik etmiş Həma sərhədlərində yenə ölüm qoxusu var.

 
587 page from 643 page (s) << < 583 584 585 586 587 588 589 590 591 > >>
 News feed
14.12.2018
13.12.2018
 Archive
Dec.2018
Mon.Tue.Wed;.Thu.Fri;.Sat.Sun.
     12
3456789
10111213141516
17181920212223
24252627282930
31      
 
2018 All right reserved www.azadinform.az Powered by Danneo